Kareaga egunez egun

  Sagarrak ekologia taldea ren laguntzaz eskola inguruko  nitrogeno dioxidoa (NO 2 ) maila  neurtuko dugu. Horretarako sentsore pasibo  batzuk jarri dira  gure eskolan.  NO 2 osasun arazoak ekarri ahal dituen kutsatzailea da, batez ere arnas sisteman. Autoen errekuntzak isurtzen du gehien bat. Sentsoreek  arnasten dugun airearen kalitatea neurtuko dute  lau astetan zehar. Horren ostean ikerketaren emaitzak jasoko ditugu,   Horrekin batera galdera hauek gogoeta egiteko abiapuntua izan daitezke. Nola etortzen gara eskolara? Nola mugitzen gara leku batetik bestera?  Oinez? Bizikletaz? Autoz? Garraio publikoan? Auto pribatuan? Zer egin dezakegu NO 2 kantitatea murrizteko?

  Dagoeneko hainbat ikasturte daramatzagu, eta ikasturte hasieran taldea kohesionatzeko lanarekin batera, LEHEN HEZKUNTZAN BULLYINGA ETA ZIBERBULLYINGA PREBENITZEKO PROGRAMA bat egiten hasi ginen. Horretarako, GEUZ elkartearen laguntzarekin. Gure ikasle guztien segurtasuna interesatzen zaigulako! Balorazioa oso positiboa da, bai hezkuntza-komunitate osoaren aldetik, bai ikasleekin prestakuntza egiteaz arduratzen diren pertsonen aldetik.